"Qarabağ" HİK-ə qarşı
Bu gün UEFA Avropa Liqasında 3-cü təsnifat mərhələsinin ilk oyunları keçiriləcək.
Qol.az xəbər verir ki, turnirdəki təmsilçimiz "Qarabağ" da meydana çıxacaq.
Ağdam klubu Bakıda Finlandiya HİK-ini qəbul edəcək. Tofiq Bəhramov adına Respublika stadionunda keçiriləcək görüş saat 20:00-da başlayacaq.
Bu, "Qarabağ"ın Finlandiya təmsilçiləri ilə üçüncü qarşılaşması olacaq.
Xatırladaq ki, "Qarabağ" bunadək iki dəfə Avropa kuboklarında Finlandiya klubları ilə qarşılaşıb. 1996/1997-ci illər mövsümündə (UEFA Kuboklar Kuboku) "Müpa-47" komandası ilə görüşən Ağdam təmsilçisi Bakıda 0:1 hesabı ilə uduzub, cavab oyununun əsas vaxtında isə qalib gəlib (1:0). Amma əlavə vaxtda - 119-cu dəqiqədə "Qarabağ" qol buraxaraq (1:1) mübarizəni dayandırıb.
2009-cu ildə "Qarabağ" Finlandiyanın "Honka" komandası ilə qarşılaşıb və hər iki oyunda qalib gələrək (səfərdə 1:0, evdə 2:1) Avropa Liqasının pley-off mərhələsinə vəsiqə qazanıb.
10 avqust
Avropa Liqası
3-cü təsnifat mərhələsinin ilk oyunu
20:00. “Qarabağ” – HİK (Finlandiya)
Baş hakim: Roi Reinshreiber (İsrail)
Bakı.Tofiq Bəhramov adına Respublika stadionu
0 Rəy