TDT-nin diaspor məsələlərinə məsul dövlət qurumlarının rəhbərləri Şuşada bəyanat qəbul edib

Şuşada Türk Dövlətləri Təşkilatının (TDT) diaspor məsələlərinə məsul dövlət qurumları rəhbərlərinin forumu keçirilib. 

"Report"un Şuşaya ezam olunan əməkdaşı xəbər verir ki, tədbirdə Diasporla İş üzrə Dövlət Komitəsinin sədri Fuad Muradov, Azərbaycan Prezidentinin Şuşa rayonunda xüsusi nümayəndəsi Aydın Kərimov, Türk Dövlətləri Təşkilatının baş katibinin müavini Yerzhan Mukaş və başqaları çıxış edib.

Forumun sonunda Şuşa bəyanatı qəbul edilib.

Bəyanatı Azərbaycan Diasporla İş üzrə Dövlət Komitəsinin sədr müavini Elşad Əliyev oxuyub.