Hikmət Hacıyevin yeni MESAJI - həm də süni konfliktin sadə həll yolu...

Azərbaycan Prezidentinin köməkçisi – Prezident Administrasiyasının xarici siyasət məsələləri şöbəsinin müdiri Hikmət Hacıyev "X" sosial şəbəkə hesabında (əvvəlki Tviter) yeni mesaj paylaşıb. 

Musavat.com xəbər verir ki, mesajın mahiyyəti Xankəndiyə yardım çatdırılması istiqamətində yaranmış konfliktlə bağlıdır.

Həmin mesajı təqdim edirik:

"Yardımları Xankəndiyə daha sürətli və səmərəli necə çatdırmaq olar? Əlbəttə, Ağdam-Xankəndi yolu ilə.

44 km-lik Bərdə-Ağdam və 65 km-lik Ağdam-Füzuli 4 zolaqlı avtomobil yollarının tikintisi sürətlə davam etdirilir. Hər iki magistralın sutkada 17 000 avtomobilin keçirmə qabiliyyəti var".